毛婆詞窮發爛渣鬧TVB記者,你撐邊個?黃政棍昨開記招回應沙田暴動,作為發言人的毛婆盲撐暴徒到底,表明唔割席(請按此重溫)。TVB記者「好唔識趣」咁問毛婆睇到暴徒用鐵通、用遮襲警時有乜感覺?仲問毛婆係咪唔會同呢啲暴力行為切割?問題好合理,暴力就係暴力,黃政棍擁抱暴力,就要同市民解釋清楚。但你咁樣問,叫毛婆點下台啫?毛婆於是好激動咁話「民主派再一次聲明,我哋不割席」,又話乜鬼「全香港巿民公道自在人心」喎。
公道?真係呵呵呵。但事件未完結,記招後,毛婆問該記者「請問你係邊度㗎?」記者如實回答TVB,毛婆即刻發晒爛渣拍枱大罵:「次次係TVB過喎!」噢,原來每次毛婆都畀TVB拆穿西洋鏡,唔怪之得咁嬲豬啦。冇事嘅,搵蘋果、搵肥老黎呵返咪得囉!
原圖:港台新聞截圖
投票已截止,多謝支持