盲反修逃犯例沒完沒了,近月有多次示威遊行甚至是暴力衝擊事件,仲發夢以為香港係英國殖民地嘅前港督彭定康頻頻為暴民張目,又抹黑修例會摧毁香港法治云云;我國外交部駐港公署昨日撰文回應,鬧爆肥彭「其行可鄙,其心可誅」,只能夠「頂著『末代港督』的可悲頭銜」上演「跳樑小丑」嘅把戲。
駐港公署以〈彭定康應該停止欺世盜名的謊言和荒唐錯位的表演〉為題撰文,引用數據KO肥彭,指香港法治水平由97前嘅全球排名60多位,大幅躍升至2018年嘅第16位,香港市民真正享受「殖民時期根本沒有的民主權利和自由」。
文章反問,喺長達150多年嘅殖民統治中,英國有冇賦予過香港人真正民主?更譏諷曾為港督嘅肥彭,既不是由民主選舉所產生,更冇反省自己統治時期嘅不民主,點解仲會自以為有資格批評香港嘅人權自由。文章最後諷刺指,香港已經回歸中國22年,但肥彭仍然沉迷於殖民主義嘅夢幻當中,掛住「末代港督」頭銜不斷上演「螳臂擋車」、「跳樑小丑」嘅把戲,應當「反躬自省,糾正錯誤」。
香港擺脫殖民,回歸祖國後,無論係法治水平定係人權自由,每一日都喺度不斷進步,有目共睹。究竟喺殖民時期從來冇賦予港人民主嘅肥彭,今時今日有咩資格說三道四?
原圖:Now新聞截圖、外交部駐港公署網頁截圖
投票已截止,多謝支持