立法會於7.1遭到暴徒暴力強佔,損毀嚴重。早前《大公報》踢爆,7.1當日於立會內脫下口罩鼓動其他暴徒、期後又代表宣讀訴求嘅,正是香港大學《學苑》前總編輯、《香港民族論》編者梁繼平(請按此重溫)。原來,梁繼平早已打定主意9月份、即兩個月後赴美國讀博士,《大公報》質疑,「看來他已打定主意準備『着草』」。
梁繼平近日接受《南華早報》訪問,直認自己就係當日暴佔立會除下口罩之人。被問到點解當時會脫下口罩時,梁繼平就指因為人愈多就愈安全,想鼓動更多人入立會搞搞震,又無恥地稱當日使用武力已相當「克制」喎。成個過程,有片有圖有真相,咁都叫克制?咁唔克制會恐怖成點?
梁繼平自己都承認當日係暴民行動,但就歪理一堆勁卸膊,調轉頭指責任喺不公嘅選舉制度云云。
若然《大公報》的懷疑屬實,唔怪得有人「咁型」唔怕畀人見樣啦!梁繼平如此「明志」,是否想打開口牌等外國勢力求救呢?當日傷害香港的旺暴暴徒着草,當正自己冇錯,前車可鑑,懇請執法者從速行動,盡快拉人,絕不能放過暴徒!
原圖:大公報
http://www.takungpao.com.hk/news/232109/2019/0706/315527.html
投票已截止,多謝支持