何家近來連環有好消息,賭王何鴻燊細仔何猷君求婚成功後,四房千金何超盈仲雙喜臨門添!賭王嫁女咁開心,但你又知唔知,原來超盈老公原來唔止顏值高,而且仲被稱為「哈爾濱之光」添!
日前何超盈及其老公辛奇隆(Thomas Xin)以中國傳統方式,進行過大禮等儀式,當中嘅嫁妝仲震撼大眾眼球,果然「貧窮限制咗我嘅想像」。
辛奇隆嘅人生可用一個字概括——勁!辛奇隆細何超盈七歲,出生於哈爾濱,贏在起跑線嘅佢無因此自滿,雖為哈爾濱富二代,但亦係一位真學霸,辛奇隆曾於SAT(學術能力評估測試)考取2,260分(滿分為為2,400分);同年應考TOEFL(托福)考取114分高分(滿分為120分),最後獲哈佛大學取錄。
辛奇隆於哈佛中主修心理學同神經科學,被當地傳媒形容為「哈爾濱之光」,而除咗睇得又叻仔之外,辛奇隆同時熱愛運動。另外,辛奇隆仲善心滿滿,不時會參加慈善活動,更曾經曾號召其他人收集過萬本書捐畀有需要嘅學生!現抱得美人歸,郎才女貌,天作之合,真係活得精彩,令人羨慕。
原圖:何猷君IG、辛奇隆IG
投票已截止,多謝支持