以為棄保潛逃兩年嘅旺暴逃犯黃台仰同李東昇會繼續做「失蹤人口」,點知據美媒報道,原來佢哋舊年向德國當局申請難民庇護,並於同年五月獲批,正式升呢由逃犯變難民(請按此重溫)。黃台仰話係因為覺得自己「唔可以再躲藏」,更表示曾因掛念家鄉而落淚。名導演高志森亦忍唔住,借黃台仰嘅「慘況」串爆班仇中媚外嘅黃友,提議佢哋帶埋反修訂逃犯條例遊行號稱「13萬」嘅人,去美國、德國等地尋求難民庇護,咁香港就可以天下太平,市民亦可耳根清淨。好提議喎!
網民紛紛贊同,有網民表示「佢哋走晒,香港太平」。有網民則指,他們最好不要再做中國人。更有人建言,最好就係見唔到呢班反對派喺度篤眼篤鼻!呢個提議真係好,既然咁唔鍾意香港,又咁恨喺西方生活,正所謂心動不如行動,拿拿臨搞搞佢啦!
原圖:HKG報、大公報、梁繼昌Facebook
http://news.takungpao.com.hk/paper/q/2016/1103/3387296.html
投票已截止,多謝支持