因為侵侵反口，中美貿易戰至今仍未止息。有趣的是，有指美國向華為實施出口管制，是美國針對貿易談判停滯的手段之一。唉，堂堂民主大國，嚟嚟去去都係得針對一間私營企業一招，小學雞得嚟又衰格，同佢哋個總統一模一樣。

貿戰唔夠中國打，貿談又唔肯認低威，侵侵冇晒符之下，唯有再出舊招，出動國家力量去單單針對華為一間公司。呢啲肉酸到加零一嘅事，美國當然唔會認，死撐話係擔心國家安全問題云云，仲話咩美國商務部其實幾個月前已決定將華為列入貿易黑名單，但因擔心影響談判，所以一直無執行喎。

駐美大使批美方破壞協議

呢番說辭，拎去呃細路或者ok嘅，但駐美大使崔天凱就絕對唔會信囉。崔天凱接受《霍士新聞》訪問時，直接扯下老美假面具，批評美國對華為的限制，背後有濃厚的政治動機，並批評美方已多次忽然改變主意，破壞雙方本已達成的初步協議。

同中國打仗，侵侵真係以為單靠呢啲小學雞招數，美國就會贏？面對無理打壓，華為一早已做好準備，無論喺晶片、手機系統都早已有晒後備方案，遲早冇美國，華為都可以喺國際市場企得硬淨，更別說歐洲一大票企業排住隊想同華為合作。一句到尾，身為中國人，無理由唔繼續撐華為！大家認同嗎？

原圖：Donald Trump Facebook

https://www.facebook.com/DonaldTrump/photos/a.488852220724/10162363025160725/?type=3&theater