喺赤柱受緊嘅邵家臻，似乎連丁點監躉嘅自覺都冇，一時話想返立法會開會，一時又話天氣熱想買把風扇歎，依家仲要呻監倉「小情小趣」唔夠豐富，零食花款唔夠多咁話，唔講仲以為佢喺五星級大酒店度緊假。

嫌棄牢房裝修乏味

邵家臻獄中文章於黃媒《蘋果日報》刊出，文中大呻牢獄生活枯燥乏味，嫌監倉裝潢唔夠colourful，嫌每日活動唔夠多元化，就連零食款式少都要呻一餐。邵家臻介紹小賣物品清單，「例如咖喱牛肉粒、齋燒鵝、魷魚絲、椒鹽花生、南乳花生、什錦果仁、蘭花豆、粟米片、九製陳皮、紅薑、夾心餅、鮮果薄酥、威化餅、芝麻梳打餅、奶鹽梳打餅、消化餅、香葱薄餅……等」足足有成72項，不過我哋嘅尊貴議員似乎覺得唔多夠，話啲款式「千載不變」喎。

可能因為一班尊貴議員同大學教授入冊後，見自己將成個監倉文化水平拉高咗，所以依家想拉高埋監倉嘅生活質素，不如起埋戲院同網吧啦，好冇？咁嘅態度仲想懲教批你開會...呵呵~

原圖：NOW新聞截圖