身為尊貴議員兼民主黨主席,胡志偉上周居然口出粗言,於立法會答問會上鬧特首林鄭月娥「八婆」,乞人憎嘅程度創歷史新高,難怪有婦女團體直斥胡涉性別歧視,要求佢公開道歉(請按此重溫)。沒有最無恥,只有更無恥,胡志偉未知衰,仲要追住林鄭嚟咬,竟然在立會動議削減特首人工。
事緣立法會今日續審《2019年撥款條例草案》,其中胡志偉動議修正案,要求削減行政長官全年薪酬開支。呢啲咁嘅膠提議,當然只有膠人先會撐,果不其然,「慢必」陳志全立即跳出和議,話特首不得民心,出賣港人利益,為港人及中國政府添亂云云。明眼人一睇,都會知道慢必呢番說話,其實應該用嚟話自己!
講到要減人工嘅,點都係減呀胡生同你嘅泛民同志先啦吓話!泛民成日戴住一副悲天憫人嘅假面具,話自己做咩都係為香港好,好似佢啲嗰套價觀係宇宙真理,但其實每一次搞亂香港嘅,正正係你班黃到入心嘅泛民。
原圖:立法會片段截圖、有線新聞截圖
投票已截止,多謝支持