港男陳同佳於台灣殺女友一案,因現時《逃犯條例》修訂仍未通過,港府只能審訊其洗黑錢罪,陳同佳仍未為其已承認的謀殺罪名找數。女死者的父母經歷喪女之痛,相當痛心,但人民力量惡爺「快必」譚得志竟試圖電話騷擾他們,強行要求他們支持黃營的反對修訂《逃犯條例》的行動,絕對是落井下石,無恥到爆。
反對派為阻《逃犯條例》修訂不擇手段,當中數到無恥嘅,快必肯定有份。近日快必於其Facebook高調邀功,話畀大家知佢最近嘗試搵死者父母但未成功,又冷血聲稱「偽善政府通過惡法,冤死亡靈無法安息」,要求死者父母企出嚟,促政府「只此一次、只限台灣」咁去處理事件,話咁先「真正」還佢哋個女公道咁喎。簡而言之,就係為了搞政治,而對死者父母作二次傷害,相當要不得。
咁都未算,快必騷擾失敗,反而變本加厲,叫大家廣傳,一副誓要騷擾成功為止。黃友仲好天真哋咁聽快必講,疑似真係叫人幫手搵死者父母出嚟。
尚幸還是有些網民保持清醒。有網民轟快必:「佢答應你,於心何忍?不答應你,就對立於全港市民!你又何嘗不是在吃人血饅頭?」更有網民要求快必咪打擾人。
快必為達目的,真係咩不堪手段都使出嚟,小編都懶得問佢個良心去咗邊,因為肯肯定係畀狼狗叼咗;就算快必有良心,怕且都係黑㗎喇。見到快必如此無恥,你有乜嘢想講?
原圖:譚得志 Takchi Tam(快必)Facebook、文匯報
http://paper.wenweipo.com/2018/03/14/HK1803140025.htm
https://www.facebook.com/767067873371162/photos/a.767071266704156/1105846282826651/?type=3&theater
投票已截止,多謝支持