使用者名稱
使用者電郵
密碼
確認密碼
年齡
性別
Generic placeholder image
想收到的資訊
  • 時事
  • 投資
  • 生活
喜歡的資訊
  • 編輯推介
  • 時事新聞
  • 博客
  • 投資
  • 趣味影片
  • 生活
教育水平
  • 小學
  • 中學
  • 大學
  • 碩士
  • 博士
常用的社交媒體
  • Facebook
  • 微博
  • WeChat
  • Whatsapp
  • Twitter
  • Line
  • Instagram
確認

我們會發送內含重設密碼連結的通知信給您

確認

博客

一介賣書郎林榮基變「逃亡」巨星
港台推波助瀾 政府仲唔清理門戶?

2019.05.01 21:00 博客 葉鳴

前銅鑼灣書店店長林榮基高調「逃亡」台灣,明眼人都睇到係一場政治騷,手法十分拙劣。當然比起「十字釘書健」的苦肉計,今趟則來個毛婆與店長的「執手相看淚眼,竟無語凝噎」的販賣溫馨,劇本雖爛,竟「騙」到用公帑的香港電台,以《逃》製作《鏗鏘集》為之鼓與吹。林榮基「逃亡」卻煞有介事的呼籲市民「要好好保護香港」,這不是既矛盾又很可笑嗎?破壞香港歳月靜好的,正是反中亂港走在最前線的爛果報和黎智英一眾!

冇人阻你 逃乜嘢亡?

事實上,《逃犯條例》在反對派無所不用其極的拉布搗亂下,十畫未有一撇。林榮基要不是身有屎,以一個小小的賣書郎,香港人識佢係老鼠,根本毋須驚青成咁!再講,你要着草去台灣,一走了之,根本冇人會阻你攔你,逃乜嘢亡?

林榮基做騷製造白色恐怖,破綻百出。佢就係深知肚明自己身在最自由安全的城市,「逃亡」本應趁月黑風高靜靜雞走佬,家陣佢慌死全世界唔知,爛果報頭版刊登佢與毛婆來個「愛的抱抱」,又手巾仔拭淚,阿哥,家陣生離死別乎?香港距離台灣亦不過個多鐘頭飛機,真要相見,早上機,中午已可在永康街食牛肉麵!或到信義區一〇一店嘆鼎泰豐小籠包啦!古有梁山伯送祝英台下山回家一段感人肺腑,今有基叔與毛婆高調「逃亡」一節,卻肉麻當有趣!

為反修例遊行谷人數

林榮基話佢並非為上街反《逃犯條例》谷人數,果然?當真?人在做,天在看,唔好擘大眼講大話喇,爛果報一連幾日擺你上頭條,除了溫馨的「基毛會」,又把你「不得不走佬」的話重覆又重覆,甚麼「我就係一個樣辦,你本身冇犯事,大陸都有可能畀一個唔同嘅罪名畀你。」阿哥,你夠膽話你在內地冇犯事?政治牧師都唔夠膽話佢冇收黎智英錢,睇嚟你道行仲高一皮,講大話面不紅心不跳也。

反對派反對高鐵香港站一地兩檢時,一時又話「割地違憲」,一時又話「大陸隨時過來拉人」,把香港站形容到成個「黑洞」咁,認真搞笑!家陣粵港澳大灣區的最新發展,把三地人民的來往交流推向一個新境界,一日咁多人出出入入,有人誤闖「黑洞」人間蒸發嗎?要抹黑都用吓腦啦!

「死士」全變成烏龜

反中亂港者其實活在香港都真係有運行,一個二個所謂「死士」,倒頭來全變成縮頭烏龜嘅「死佬」,呢,走佬嘅走佬,唔走嘅廢噏當秘笈,好似個位社福界議員邵家臻,仲嗌住要戴住手鐐腳鐐去立法會開會喎,以恥為榮,真係面皮厚過鱷魚皮!

而一介賣書郎林榮基,只不過是反對派一粒小棋子,竟無日無之被吹捧為「逃亡」巨星,睇怕佢一生人未曾如此出名過,「逃亡」到台灣都日日透過爛果報指指點點,總算沒白活了!好心港台仲要推波助瀾以配合爛果報製造恐慌,納稅人養狗咬心口,唸起就把鬼火!政府仲唔清理門戶,香港喪無日矣!

原圖:港台《鏗鏘集》片段截圖

投票已截止,多謝支持

發表意見

排列方式:
Philip Cheung
777包庇港台....下台吧!
20190502