因為美帝唔想人查佢，出聲要打制裁牌，一向自詡好公平公正嘅國際刑事法院（ICC）即刻淆晒底，對美國犯下嘅戰爭罪行認氣吞聲！據聯合國新聞網早前消息，國際刑事法院以「缺乏證據」、「難以得到當地政府配合」為理由，決定唔查美國在阿富汗衝突期間或犯下的戰爭罪和危害人類罪行。呢個世界，誰大誰惡誰正確原來先係真理？OK，明晒！

ICC首席檢察官法圖·本索達（Fatou Bensouda）於前年提出就美國於阿富汗戰爭期間台干犯的罪行展開調查，本索達表示已經花了十年的時間研究證據，有理由相信，美軍及情報機構成員曾於03年在阿富汗對拘留者實施了酷刑、殘酷對待、侵犯個人尊嚴、性侵等行為。

「這是美國重大的國際勝利」

侵侵點回應？就係放出美國國家安全顧問博爾頓亂吠一通，話美國並非ICC成員，所以該法院冇權管美國，仲警告話如繼續調查有關美國或其他盟友的戰爭罪行，將面臨懲罰措施云云。ICC去年都仲話會堅持查落去，直到上周，美國出賤招吊銷本索達美國簽證，ICC好識做咁宣布，雖然有理由相信罪行可能發生，但目前的情況，成功調查和起訴的可能性極低，所以不如將資源用係更容易成功嘅個案上喎。

夠難頂未？未算！最令人無奈嘅係侵侵知道ICC放棄調查之後，高調宣稱指「這是美國重大的國際勝利」，仲要加多句「美國對美國公民的法律和道德標準是最高的」，問你死未？講到尾，夠惡就得，夠惡就可以唔理法治，夠惡就可以踐踏正義，所以話呢，同美國講咩都冇用，只有用實力壓過，先係王道！

原圖：Donald Trump Facebook

https://www.facebook.com/DonaldTrump/photos/a.488852220724/10162386983855725/?type=3&theater