雖然佔中九男女證據確兼鑿罪名成立,但戴住黃色眼鏡嘅人唔係咁諗,例如「河童」黃之鋒。今日黃色港台好好人,特登搭台畀河童及余若薇為佔中九男女講好說話,其中余若薇質疑法官判詞,認為指控陳淑莊同被定罪「煽惑他人煽惑公眾妨擾」不合理;法律常識滿分嘅河童加把口,話陳健民等人只係企喺戴耀廷隔離嘢都唔講,質疑點解同台都被判有罪喎。
余若薇當正香港電台係法庭,攞住法官判詞來執字粒細數。余表示九男女被告之一的張秀賢有在台上講嘢,但另一被告陳淑莊則只係企喺同一個台度,質疑判詞中的「Joint enterprise(共同計劃法律責任)」而令陳同被定罪是不合理。
河童則大狀上身,唔放過呢個扮叻嘅機會,話法官指戴耀廷呼籲群眾時,其身旁的陳健民是認同戴的言論,因而被定罪,河童就立即下結論話「原來你企喺隔籬嘢都唔講就可以煽惑到人」,仲話「煽惑煽惑」一罪的嘅罪成門檻好低喎。
聽完河童大狀「釋法」之後,大家係咪覺得茅塞頓開呢!有乜嘢想同佢講呢?
原圖:HKG報、大公報
http://news.takungpao.com.hk/paper/q/2017/0403/3437786.html
投票已截止,多謝支持