欠債還錢雖說天公地義，但未必個個都記得（願意）主動還錢。內地有位98歲婆婆，突然醒起半世紀前嘅一筆欠債，竟立即動身冒雨徒步行3公里去償還，不知是否考慮到通脹呀、利息呀，婆婆一還就是一百二十倍。

98歲嘅浙江婦人孫杏寶憶述指，50年前大仔結婚時，請求同村嘅張發林幫佢製作家具，但因為屋企太窮，所以拎唔出工錢畀張木匠，加上張木匠從來都唔追債，整整下婆婆自己都唔記得咗，當時大嗱嗱嘅10蚊人仔，一欠就欠咗50年。

唔還錢瞓唔著

今年2月，婆婆突然醒起呢筆債，於是即刻去銀行提取1,200蚊人仔養老金走去張木匠嘅屋企。由於年紀大嘅關係，3公里路，婆婆足足行咗一個鐘。

到達張木匠家時，婆婆二話不說，即刻將1,200蚊拎晒出嚟還畀對方，即原本10蚊嘅百二倍，更指「我欠你們的，帶來了，你們別嫌棄」。張木匠夫婦一開始拒絕收取還款，但因為婆婆表示還債一定要還，更指如果唔係就瞓唔著，張木匠夫婦先收下呢筆錢。

小事大意義，這就是誠信，但又有幾多人做得到？

原圖：網絡圖片